VitaMind — Maxfiylik siyosati

Oxirgi yangilanish: 2026-yil 11-avgust

Amal qiladi: VitaMind mobil ilovasi (iOS va Android)

Bu hujjat VitaMind qanday ma'lumot yig'ishini, uni nima uchun ishlatishini va

uni kim ko'rishi mumkinligini aytadi. Umumiy gaplar emas — aniq ro'yxat.

1. Biz yig'adigan ma'lumotlar

1.1 Siz o'zingiz kiritadigan ma'lumotlar

Nima	Misol
Profil	Ism, tug'ilgan yil, jins, bo'y, vazn, faollik darajasi, maqsad
Ovqat kundaligi	Yegan taomlaringiz, porsiya, vaqt
Suv	Kuniga ichilgan miqdor
Vazn	Siz yozgan o'lchovlar
Kayfiyat va quvvat	Kunlik belgi
Uyqu	Qo'lda kiritilgan bo'lsa: davomiyligi, sifati

1.2 Telefoningizdan avtomatik olinadigan ma'lumotlar

Nima	Qayerdan
Qadamlar	Telefonning qadam sanagichi
Harakat holati (harakatda / qimirlamayapti)	Telefonning harakat sensori
Ilova ochilgan vaqtlar	Ilovaning o'zi

Harakat ma'lumoti uyquni chamalash uchun ishlatiladi va **telefondan

chiqmaydi** — u faqat qurilma ichida hisoblanadi.

1.3 Sog'liq ilovasidan olinadigan ma'lumotlar

Faqat siz ruxsat bergan taqdirda, Apple Health (iOS) yoki Health Connect

(Android) orqali:

Uyqu (davomiyligi, yotish va turish vaqti, uyg'onishlar)
Qadamlar
Tinch holatdagi puls
Yurak urishi o'zgaruvchanligi (HRV)
Sarflangan faol energiya
Mashg'ulot vaqti

Ruxsatni istagan vaqtda Apple Health yoki Health Connect ichidan bekor qilishingiz

mumkin. VitaMind sog'liq ilovasiga hech narsa yozmaydi — faqat o'qiydi.

1.4 Ovqat rasmlari

Ovqatni skaner qilsangiz, rasm tahlil uchun yuboriladi (2.2-bandga qarang).

Rasmlar serverimizda saqlanmaydi — tahlil natijasi qaytgach o'chiriladi.

1.5 Biz yig'MAYDIGAN ma'lumotlar

Joylashuv
Kontaktlar
Telefondagi boshqa rasmlar
Brauzer tarixi yoki boshqa ilovalardagi faoliyat
Reklama identifikatorlari

2. Ma'lumot qayerga boradi

2.1 Telefoningiz

Sukut bo'yicha hammasi telefoningizda saqlanadi. Hisobga kirmasangiz,

ma'lumot qurilmadan umuman chiqmaydi (2.2-banddagi AI so'rovlaridan tashqari).

2.2 Sun'iy intellekt tahlili

Ovqat skaneri va murabbiy javoblari serverimiz orqali Anthropic (Claude API)

ga yuboriladi. Yuboriladigan narsalar:

Ovqat rasmi yoki nomi
Kunlik ovqat, suv, qadam ko'rsatkichlari
Sog'liqqa oid ko'rsatkichlar: uyqu davomiyligi, yotish va turish vaqti,

uyg'onishlar, qadam soni

Sog'liq ma'lumotlari faqat siz alohida rozilik bergan taqdirda yuboriladi.

Rozilikni Sozlamalar → «AI murabbiyga sog'liq ma'lumotlarim» dan istagan vaqtda

o'chirishingiz mumkin; o'chirilganda murabbiy faqat ovqat va suv ma'lumotini

ko'radi.

Ism, elektron pochta yoki hisob identifikatoringiz yuborilmaydi. Anthropic

bu ma'lumotni o'z modellarini o'qitish uchun ishlatmaydi.

2.3 Bulutli saqlash

Hisobga kirsangiz, ma'lumotlaringiz Google Firebase (Firestore) da saqlanadi va

qurilmalar o'rtasida sinxronlanadi. Serverlar Google boshqaruvida. Kirmasangiz

bu qism umuman ishlamaydi.

2.4 Xatoliklar hisoboti

Ilova qulasa, texnik hisobot (qurilma modeli, Android/iOS versiyasi, xatolik

joyi) Firebase Crashlytics ga yuboriladi. Unda shaxsiy yoki sog'liq ma'lumoti

bo'lmaydi.

2.5 Biz hech qachon qilmaydigan narsalar

Ma'lumotingizni sotmaymiz
Reklama uchun ishlatmaymiz va reklamachilarga bermaymiz
Sog'liq ma'lumotingizni sug'urta kompaniyalari yoki ish beruvchilarga bermaymiz
Yuqorida sanalganlardan boshqa uchinchi tomonlarga uzatmaymiz

3. Nima uchun ishlatamiz

Maqsad	Qaysi ma'lumot
Kunlik kaloriya va nutrient hisobini ko'rsatish	Ovqat kundaligi, profil
Vitamin va mineral yetishmovchiligini aniqlash	Ovqat kundaligi
Qadam va uyquni avtomatik hisoblash	Harakat sensori, sog'liq ilovasi
Shaxsiy maslahat berish	Yuqoridagilarning yig'indisi
Ilovadagi xatolarni topish	Xatolik hisobotlari

4. Qancha vaqt saqlanadi

Kunlik yozuvlar — bir yil. Har bir kunning to'liq yozuvi (ovqatlar, suv,

qadam, uyqu, kayfiyat, vazn) o'sha kundan bir yil o'tgach avtomatik

o'chiriladi. Buni siz so'rashingiz shart emas va biz eslab qolishimiz shart

emas — o'chirish tizim darajasida, o'z-o'zidan bo'ladi.

Muddat yozuv qachon yozilganidan emas, qaysi kunga tegishli ekanidan

hisoblanadi. Bu ham telefondagi, ham bulutdagi nusxaga tegishli.

Oylik xulosalar — muddatsiz. Kunlik yozuv o'chishidan oldin undan to'rtta

raqam saqlanib qoladi: o'sha kungi vazn, kaloriya, uyqu soati va qadam soni.

Shu tufayli yillar bo'ylab vazn grafigingiz uzilmaydi. Ovqat ro'yxati, rasmlar

va izohlar esa saqlanmaydi.

Xohlagan vaqtda hammasini birdan o'chirishingiz mumkin: Sozlamalar → «Hisobni

o'chirish». Bu oylik xulosalarni ham o'chiradi.

Qolgan ikki turdagi ma'lumot alohida muddatga ega:

AI so'rovlari: Anthropic so'rovlarni suiiste'molni aniqlash uchun

cheklangan muddat saqlaydi, keyin o'chiradi. Biz ularni saqlamaymiz.

Xatolik hisobotlari: 90 kun.

5. Sizning huquqlaringiz

Ko'rish va yuklab olish: Sozlamalar → «Ma'lumotlarimni eksport qilish».
O'chirish: Sozlamalar → «Hisobni o'chirish». Bu bulutdagi hamma narsani

qaytarib bo'lmaydigan tarzda o'chiradi. Telefondagi nusxa ilovani o'chirganda

ketadi.

Sog'liq ruxsatini bekor qilish: Apple Health → Ulashish → Ilovalar →

VitaMind, yoki Health Connect → Ilovalar ruxsatlari → VitaMind.

AI'ga yuborishni to'xtatish: Sozlamalar → «AI murabbiyga sog'liq

ma'lumotlarim» ni o'chiring.

6. Bolalar

VitaMind 13 yoshdan kichik bolalar uchun mo'ljallanmagan va ulardan bila turib

ma'lumot yig'maymiz.

7. Tibbiy ogohlantirish

VitaMind tibbiy vosita emas. U kasallikni aniqlamaydi, davolamaydi va

oldini olmaydi. Bergan maslahatlari umumiy xarakterda bo'lib, shifokor

maslahatining o'rnini bosmaydi. Sog'lig'ingizga oid qaror qabul qilishdan oldin

malakali shifokorga murojaat qiling.

8. O'zgarishlar

Bu siyosat o'zgarsa, ilova ichida xabar beramiz va yuqoridagi sanani

yangilaymiz.

9. Bog'lanish

Savollar yoki ma'lumotingizni o'chirish so'rovi uchun:

doniyorbakhromovv@gmail.com